سنڌيانا

انسائيڪلوپيڊيا سنڌيانا (جلد پهريون)

سنڌي ٻولي اٿارٽيءَ، سنڌي ٻوليءَ جي پهرين جامع انسائيڪلوپيڊيا، ”انسائيڪلوپيڊيا سنڌيانا‏“ جو پهريون جلد” الف ب ٻ“ اکرن جي اٽڪل3500 داخلائن تي مشتمل ڇپائي پڌرو ڪيو آهي. هن جلد ۾ %80 سنڌ سان لاڳاپيل مواد آهي، جهڙوڪ: شخصيتون، ماڳ مڪان، ڍنڍون ڍورا، واهه ،وهڪرا، وڻ ٽڻ، ٻوٽا ، آبي ۽ زميني پکي ۽ حياتيات، تهذيب، ثقافت، ٻولي، رسالا، ڪتاب، اخبارون، صحافي،اديب،شاعر،عالم، علمي ادبي ادارا، ريتون رسمون ، هنر، ڳوٺ، ديهون ، قومون، قبيلا، ذاتيون، مذهب ، فرقا، راڳ، ناچ، موسيقي، خانقاهون، درگاهون، قبرستان، ميلا ملاکڙا، سياسي شخصيتون وغيره ۽ %20 دنيا سان لاڳاپيل ڪائناتي، سائنسي ايجادن ۽ ٻين موضوعن تي مواد شامل آهي.650 صفحن تي مشتمل هي اهم دستاويز 100 گرام آرٽ پيپر تي چئن رنگن ۾ ڇپايو ويوآهي، سنڌي ٻوليءَ ۾ هيءَ پهرين رنگين تصويرن سان آرٽ پيپر تي ڇپيل انسائيڪلوپيڊيا آهي. ڪتاب جون 2000 ڪاپيون ڇپايون ويون آهن مختلف ادارن ۽ علم دوست ماڻهن کي جلد آرڊر بڪ ڪرائڻ لاءِ چيو ويو آهي.

هن انسائيڪلوپيڊيا جي چيف ايڊيٽر ۽ نگران ڊاڪٽر فهميده حسين آهي.

قيمت 750 رپيا

انسائيڪلوپيڊيا سنڌيانا (جلد ٻيون)

انسائيڪلوپيڊيا سنڌيانا جو ٻيو جلد پڻ 2010ع ۾ سنڌي لئنگئيج اٿارٽيءَ پاران شايع ڪيو ويو آهي، جيڪو ڇهن اکرن (ڀ، ت، ٿ، ٽ، ٺ ۽ ث جي 2571 داخلائن تي ٻڌل آهي)، هن جلد ۾ ضميمي طور 323 داخلائون پهرئين جلد جون پڻ رکيون ويون آهن. هن جلد جا 728 صفحا آهن.

قيمت 1000 رپيا

انسائيڪلوپيڊيا سنڌيانا (جلد ٽيون)

انسائيڪلوپيڊيا سنڌيانا جو ٽيون جلد سنڌي لئنگئيج اٿارٽيءَ پاران تازو 2011ع ۾ ڇپائي پڌرو ڪيو ويو آهي، جيڪو 2533 داخلائن ۽ ٻن اکرن (پ، ج) تي ٻڌل آهي. هن جلد ۾ ڪل 700 صفحا آهن، هن جي چيف ايڊيٽر اٿارٽيءَ جي چيئرپرسن ڊاڪٽر فهميده حسين آهي.

قيمت 1400 رپيا

سنڌي لئنگئيج اٿارٽي فيس بُڪ تي